NASKAH DRAMA “TELUH BROJO RONDO GIRAH” (Karya Agus Widodo)

E-THEATER CLUB

Lakon :

1. Nini
2. Kang Mbok
3. Rondo Girah
4. Ratna Manggali
5. Joko Bahula
6. Mpu Baradhah
7. Ki Demang
8. Prabu Erlangga
9. Rakyat
10. Yu Karti
11. Yu Cikrak
12. Lek Sami

Sutradara : Agus Widodo

Asisten Sutradara : Yulian D'Rayez 

https://twitter.com/Yuuliant

(Naskah Drama pernah di Pentaskan pada Pagelaran Pentas Seni di IKIP PGRI MADIUN tahun 2011 dan Festival Kethoprak Remaja di ISI Surakarta)

ADEGAN I

Ing padepokane Rondo Girah, anak buahe wis pada nyiapake sesajen kang bakal diperloake Nyai Girah kanggo upacara Teluh.

1.    Nini                        : Kakang, aku rasane ora krasan maneh ana padhepokan kene.

Jalaran yen tak rasak-rasakke soyo suwe malah nambahi doso.

2.    Kang mbok            : Nini ojo banter-banter mengko nek nyai krungu.

3.    Nini                        : Kang … cobo kae sawangen jerit tangis kawulo cilik seng ora ngerti doso, esok loro sore mati, sore loro esok mati , mulo soko kuwi kang lila nana aku bali kang…

4.    Kang mbok            : Nini sing sabar,  sing sabar nini. Eling nini marang sumpah`e awak`e dewe marang nyai Girah.

5.    Nini                        : Aku wes ora kerasan kang mbok ana padepokan kene!

6.    Kang mbok             : Elengo, sak suwene awake dewe ana padhepokane Nyai Girah, opo-opo sing awake dewe perlokake dituruti marang Nyai Girah. Sepisan maneh ojo banter-banter nini, mengko yen Nyai Girah krungu biso dadi gae.

7.    Nini                        : Tapi kang mbok.....

8.    Calon Arang          :Hem … piye? Kowe… kowe kabeh arep ninggalke        padepokan kene ha……ha……ha……

Biyen kepriye, sumpahmu marang aku.?

Kowe arep nglanggar marang janjimu . elenga suk sopo wae seng podo cumondhok ana padepokan kene ateges wea nyawiji karo reh parentahku……ngerti……?

9.    Kang mbok            : Inggih nyai… kulo manut mituture printah ndika nyai…

10.    Calon Arang          : Suk sopo wae seng ora kuwat utowo ora serujuk karo niat

soko wit…

Yen arep minggat, minggato yeng ora dadi bangke…

11.    Koor                       : Mboten nyai…

12.    Nini                        : Pangapunten kulo nyai… pangapunten kulo nyai…

13.    Calon Arang          : Kowe kabeh ora usah wedi… aku seng bakal ngayomi kowe kabeh ora prabu Erlangga, salah sawijine sing pangayoman sing kondhang, nanging cidro ing janji.

Biyen sang prabu nate janji, sopo wae kang biso nyirep kraman kang dipandengani dening begal kecu ing tlatah blitar bakal dibayar emas picis lan yen wadon bakal dipundhut garwa, nanging… Endi nyatane, bojoku mati ing palangan, nglayat wae ora, mulo soko kuwi sang prabu,  aku Nyai Girah nagih janji…

Para kawulo kabeh…

14.    Koor                       : Inggih Nyai

15.    Calon Arang          : Apa wes mbok siapake, ubi rampen seng tak perloake…

16.    Kang mbok            : Sampun Nyai ne…

17.    Calon Arang          : Yen mengkono, ayo paring sesaji maring ibu betaridorgaloka

18.    Koor                       : Inggih nyai…

19.    Calon Arang          : Prabu Erlangga aja alok kelangan yen kawulomu padha loro tumekaning pati, iki minongko piwalesku marang sira kang nyidra ing janji Prabu Erlangga.

Kahuripan……Kahuripan…… ha……ha……ha……ha……

IBU BETARI DURGALOKA

Kulo nyuwun sabiyantu panjenengan ibu

Kulo nyuwun sambiyatu panjenengan ibu

Kulo nyuwun sabiyantu panjenengan ibu

Ibu betari durgaloka

Ibu betari durgaloka

Ibu betari durgaloka

Ha……ha……ha……ha………

Ha……ha……ha……ha…………

20.    Retno Manggali      : Biyong

21.    Calon Arang          : Retno Manggali arep opo kowe tekan ano papan kene

22.    Retno Manggali      : Biyong…… Aja mbok teruske anggon Biyong nebar teloh

23.    Calon Arang          : Cukup Manggali…

24.    Retno Manggali  : Ora Biyong… mesakke ake marang wong kang ora nduwe doso mbok katutake……

25.    Calon Arang           : Cukup Mangali……

Kowe ora ngerti lara tiku manggali, Erlangga yo……

Erlangga kudu nanggung dosane……… Kahuripan bakal tak obrak-abrik… Ha………ha……ha……

26.    Retno Manggali      : Ora Biyong……

27.   Calon Arang           : Apa Manggali… minggato kowe Manggali  ……

28.   Retno Manggali      : Ora  Biyong……

29.  Calon Arang           : Minggato…kowe Manggali

Kowe bocah wingi sore ngerti opo? Ayo sumingker…

30.   Retno Manggali      : Ora Biyong

31.   Calon Arang           : Piye……? Minggato Manggali…!!!!!

32.   Retno Manggali      : Biyong …… Biyong …… Biyong

33. Calon Arang     : Poro kawulaku kabeh, ayo tutno lakuku ngobrak-ngabrek  Projo Kahuripan ha...ha...ha

ADEGAN II

Ana Sakpinggire Deso Wong Wadon Leren Ngedukake Gendongane, Godhong Jati Sing Arep Digawa Menyang Pasar Kahuripan, Oncor Disendekake Karo Leren Ngombe Banyu Kendi.

ADEGAN III

Lek Sami karo kancane metu saka grumbulan sawise Nyai Girah lewat. Ora ket suwe krungu kentong titik………(tulung….tulung……tulung)

 ADEGAN IV

Ana sak ngarepe gapuro kadipaten yu Karti karo lek SSami diendek lakune karo ki Demang Prakosa.

ADEGAN V

ADEGAN VI

74. Retno Manggali      : Duh Gusti Hyang Widiwase kula nyuwun pangayoman, mugi-mugi biyung kula kaparingan pepadhang wangsul dateng margi ingkang leres. Duh Gusti, kenging menapa kakang Joko Bahula sampun dangu kakang mboten tindak dateng mriki pawartanipun gusti. 

75. J. Bahula                 : Adi Retno Manggali

75. Retno Manggali      : Oh.... Kakang Joko Bahula.............

76. J. Bahula                 : (Nembang)

Gegaraning wong akrami

Dudu bandha dudu rupa

Adi Retno Manggali mbok yo mesem sitik to..

77. Retno Manggali      : Kakang ono sajeroning atiku amung ono Kakang Joko Bahula.

78. J. Bahula                 : “Amung ati pawitane....”

Adi Retno Manggali apata sing ndadekake tumibane luh ana pipimu wong ayu..?

79. Retno Manggali      : Kakang Joko Bahula...menapa kakang sampun supen kaliyan Retno Manggali.

80. J. Bahula                 : Adi Retno Manggali ya merga kakang akeh jejibahan ana praja Kahuripan sing kudu bisa dak rampubgi....uga tekaku rene iki ana saperlu karo sliramu ogo karo biyungmu.

81. Retno Manggali      : Bab apa kakang ?

82. J. Bahula                 : Sepisan kakang nduweni kekarepan urip sesanding karo Adi Retno Manggali.

83. Retno Manggali      : Bener kuwi kakang ?

84. J. Bahula                 : Bener Adi Retno Manggali.

85. Retno Manggali      : Tenan kuwi kakang ???

86. J. Bahula                 : Tenan wong ayu, suwerrrrrrr.....!!!

87. Retno Manggali      : Banjur sing angka loro apa kakang ??

88. J. Bahula                 : Ya bab biyungmu, ya anggone nyebar teluh nganti ndadekake pangorbanan.

89. Retno Manggali      : Banjur aku kudu piye kakang ??

90. J. Bahula                 : Ngene adi Retno Manggali, biyungmu lak duwe pusaka sing aran sempalan kitab Tri Wedha ta ??

Coba kakang arep nyilih sadela wae.

91. Retno Manggali      : Kakang Joko Bahula... yen wis kakang ampil kitabe biyung, kakang banjur lali marang Retno Manggali.

92. J. Bahula                 : Ora....ora adi yen ora percoyo bukaken dadaku.

93. Retno Manggali      : Iya kakang, tak jupukne dhisik kitabe biyung.

Iki kakang kitabe biyung.

94. J. Bahula                 : Adi yen ngono kitab iki dak silih sawetara, gek aku tak enggal bali matur marang bapaku ben ndang enggal nglamar adi.....

95. Retno Manggali      : Iya....iya kakang....

96. Calon Arang            : Retno Manggali..........Retno Manggali........Manggali..!!!!! Sapa sing lagi teka ana papan kene ?

97. Retno Manggali      : Ora ana sapa-sapa kok biyung.

98. Calon Arang            : Piye ??? Ora ana manungsa rene ?? Kurang ajar kowe Retno Manggali.....(Biyunge banjur mlebu maneh soko jero bengak-bengok. “Lhooo....kitabku...kitabku....ilang...piye iki...piye iki...!!! Manggali.....Manggali kitabku ilang Manggali....( Calon Arang ngamuk ora karuan ngasi panggonan sing digawe pamujan di orat arit, ana nduwur pamujan). Manggali......!!! Kowe ora bisa ngapusi marang biyungmu, sapa pawongan sing mrene Manggali ??

99. Retno Manggali      : Biyung...Manggali salah biyung....

100. Calon Arang         : Sapa sing mrene Manggali ??!!!

101. Retno Manggali    : Kakang Joko Bahula.

102. Calon Arang         : Apa ??!!!! Joko Bahula anake Empu Baradhah ???!!! Terus kitabe biyung ???

103. Retno Manggali    : Aja nesu yo biyung, kakang Joko Bahula nyilih kitabe biyung.

104. Calon Arang         : Piye !!!! Mbok wulungke ??

105. Retno Manggali    : Iyo biyung, jarene mung nyilih sedela.

106. Calon Arang         : Setan kowe Manggali..!!!! Kowe mestine ngerti yen pusoko kuwi padha karo nyawane biyung. Kebangetan kowe Manggali....!!! Manggali yen ngono kowe wis ora tresna marang biyungmu, timbang urip mung dedawa wirang, sadurunge aku mati luwih becik kowe tak sampurnakake Manggali.....hiaatttttt......!!!!

107. Retno Manggali    : Biyung..... Manggali nyuwun ngapuro biyung.........

108. M. Baradhah         : Mandek Nyai....

109. Calon Arang         : Bangsat kowe kang !! Apa perlumu kowe teka ing papan padhepokanku.

110. M. Baradhah         : Nyai tekaku rene yo mung arep tilik keslametan kluargamu, angko loro atiku kok kroso ora kepenak, jebul meh wae kedadeyan raja pati, layak wong ndesa pada kena pegebluk lawong tuwane dewe tega mateni anake dewe.

111. Calon Arang         : Kakang empu Baradhah, kabeh mau ora dak selaki, pancen wis dak sengaja jalaran saka laraning atiku.

112. M. Baradhah         : Nyi...mbok yo wis anggonmu nebar teluh marang kawula sing ora ngerti apa-apa, mengko aku sing nyuwunake pangapura marang Gusti Prabu Erlangga.

113. Calon Arang         : Piye kakang ???? Nyuwun nake ngapura ??? Ora sudi aku jaluk ngapura marang dapure Erlangga. Bojoku mati sapa sing dilabuhi, banjur endi janjine, anakku nganti dadi prawan kasep ya mergo janji Erlangga semono atiku lara kang...

114. M. Baradhah         : Nyi.... aku ngerti saka behing lelakonmu, jane-jane....

115. Calon Arang         : Cukup kang !!! Kowe teka ing papan kene ora gawe pepadhange swasana, malah dadi pepalang.

116. M. Baradhah         : Karepmu iki piye ni ????

117. Calon Arang         : Cekek cukupe yen sang Prabu ora sido ngabari anakku, paraja Kahuripan bakal dan gawe karang abang.

118. M. Baradhah         : Wehh...lha ora kene dibeciki wong iki.

119. Calon Arang         : Ha..ha...ha...ha...ha.....kang, samono ugo, kowe dak anggep pepalang kudu dak sernake. Tampanana kang, hhhhhiaaaaatttttttttttttttt !!!!!

120. M. Baradhah         : Aaaaahhh!! Nya..Nyai, iki sing mungkasi lelakonmu....

121. Calon Arang         : Aduuuuuuuuhhhhhhhhh.........!!!!              

122. Retno Manggali    : Biyuuuuuuuunggggggggg.............!!!!!

123. M.Baradhah       : Duh Gusti Hyang Widi Wase, kula nyuwun pangapura, ingkang sampun nglampahi pepejah

124. Calon Arang        : Kang tulung aku jalukno pangapuro marang wong wong sing tak gawe lara, uga aku jalukna pangapura marang Prabu Erlangga.

125. M.Baradhah         : Iyo nyai, iyo.. Bakal tak suwunake pangapura marang sang Prabu Erlangga

126. Calon Arang         : Manggali biyung wes ora kuwat. Kang aku titip aaa….. (mati)

125. Retno Manggali    : Biyuuuuuuuuuuuuung!!!!

Ojo ninggalke Manggali Biyuuuung.....

126. Mpu Baradhah      : Duh sinuwun kepeksa damel pepejah sinuwun.

126. Erlangga         : Inggih, inggih Mpu Baradhah mboten dados punapa awit Calon Arang dados sukertaning Praja Kahuripan.

Marang Siro Joko Bahula lan nini Retno Manggali, gedhe darma nira mungguhing praja Kahuripan. Kanggo tandha, panarimaningsun marang siro, besuk dhedhaupaniro ingsun pangku ing Praja Kahuripan.

Cuplikan adegan terakhir Rondo Girah

(Demi keamanan, untuk mengetahui naskah asli secara lengkap, hubungi admin...)

***SELESAI***